Tura, Kyllalyngkot 17: Ki nongialehkai ka East Khasi Hills kila khur ia ka Takma Ksiar ha ka jingialehkai Badminton ha ka 5th Meghalaya Games kaba la long hynne ka sngi.
Ki nongialehkai kynthei bad shynrang jong ka East Khasi Hills kila ioh khur 4 tylli ki takma ksiar.
Ha ka jingialehkai ki kynthei, ka Netania T. Tariang (EKH) kala long ka lahduh da kaba pynrem ia ka nongialehkai jong ka West Khasi Hills ka Shimtihum Lyngdoh, katba ki nongialehkai jonga West Jaintia Hills (WJH) bad West Garo Hills (WGH) kila ioh khur ia ka Takma Rnong.
Ka Netaniya bad ka Caralinda Nongbri (EKH) kila ioh khur ia ka takma ksiar haka Girls Doubles da kaba pynrem ia ka Shimtihun bad ka Doreenzia Kharbani bad sa shisien biang ki nongialehkai jongka WGH bad WJH kila ioh khur ia ka takma rnong.
Ha ka Boys Singles, Reynel Kharbuki (EKH) ula pynrem ia u Stephan Marwein (EKH) katba iaka takma rnong la ioh da ki nongialehai jong na ka Eastern West Khasi Hills (EWKH) bad Ri Bhoi.
U Reynel uba la ialehkai paralok lang bad u Pratham Majumdar (EKH) ha ka Boys Doubles kila pynliem ia u Banshabor Lamare bad Lechan Suchiang. Ia ka Takma Rnong la ioh da ki nongialehkai jong ka Ri Bhoi bad WGH.
