Nongpoh, Nohprah 21: U MLA ka Nongpoh Constituency bah Mayral Born Syiem ha ka sngi Balang, u la plie paidbah ïaka shlem treikam jong ka Monlang-Ika Village Organization, Umling Langbrang.
Ka Monlang-Ika Village Organization kadei kawei naki VO kaba Don hapoh ka shnong Umling Langbrang SHGs kaba la ai ïaka jingshakri kaba bha tam sha ka Shnong mynta la 2 tylli ki snem.
Kane ka VO ka kdup ïa ki 9 tylli Self Help Groups bad ka khmih ia bun ki kam hapoh la Shnong naduh ka jingïa kynshew, ka jingai ram bad ka jinghikai mar kylliang.
Ka kam kaba kham long phylla bad kaba ai mynsiem ia kiwei pat ka long ka jingleh ïaka kam isynei naka bynta ki ba duna haka ïoh ka kot da kaba ki ïa kynshew ïa u khaw (Rice Bank) bad shi sien shi bnai ki ju ai sngewbha sha ki longiing kiba duk bad kiba duna haka ïoh ka kot.
Haba ai jingkren, u Bah Mayral Born u la kyntu ïaki longkmie ba ki dei ban trei shitom ba kin kynjoh iaka thong kaba ki buh bad ban don ka mynsiem iatreiang ym ban iashrut ne iabishni para dkhot namar kine ki kam ki lah ban wanrah ia ka jingiapait iapra.
Ha katei ka jingialang la ïa Don lang da Kong Preticy Maring President ka Monlang-Ika VO, Bah Losstar Makri Rangbah Shnong Umling Langbrang, Tbn. NS Nongrum, kong Betsida Lyngdoh Secretary VO lem bad kiwei kiwei.
