Kokrajhar, Nailar 31: Ka kashari ha Kokrajhar district ka Assam kala rai pynrem da kaba set phatok 20 snem kynthih pyrshah ia u runar uba donkti ha kaba leh beijot ia ka khynnah kaba dang 10 snem rta kaba la jia ha u bnai Naitung 2019.
Ia une u runar bala shah rai pynrem la tip kyrteng kum u Sharidul Islam uba dei na Gossaigaon, Assam.U Sharidul ula leh ia kane ka kam bymman pyrshah ia kane ka khynnah katba ka dang leit ban peit ia ki masi kiba dang bam phlang hajan kawei ka wah.
Hadien jong katei ka jingjia, na ka liang kiba haiing hasem kila leit ban ujor mardor sha ki bor pulit hapoh ka thain.Na ka liang ki bor pulit kila rejistar case hapoh ki kyndon jong ka Indian Penal Code (IPC) bad POCSO Act.
