Shillong, Iaiong 23 : Hadien ka jingioh jingbit na u Deputy Commissioner ka East Khasi Hills, palat 500 ngut ki dkhot ka Rashtriya Swayamsevak Sangh (RSS) hynne ka Sngi u Blei kila iashimbynta ha ka jingiaid paidbah ne Road March ha nongbah Shillong.
Kane ka jingiaid paidbah kala sdang na Hindi Balika School kaba don mar pyrshah iaka Goenka motors ha Keating Road bad nangne la leit iaid sha Police Bazaar point – Bijou cinema hall – Dreamland – Sani Mandir point bad nangne kila leit ruh ban iaid sha Boucher road – Military hospital – Rilbong Point – Jhalupara Point – Lower Mawprem taxi stand – Upper Mawprem – Barapathar point – Luckier road bad.la pynkut noh pat ha Cantonment ground, Garikhana.
Palat 500 ngut ki RSS kila iashimbynta ha kaba la pynjur ruh iaka jingpahara jong ki pulit ha kylleng ki jaka.
Ha ka jingai jingbit u DC la kdew shai ba ki nongpyniaid jong katei ka Road March kidei ban pynthikna ba kino.kino.ki dkhot kim dei satia ban pyrta shla ia kino kino ki kyntien ne phawer pyrshah ia kano kano ka jaidbynriew kaba lah pat ban lam sha ka jingktah iaka shongsuk shongsain.
Ki bor District ki la bthah ruh ba dei ban pyndei ia katei ka jingiaid paidbah katkum ka por kaba la buh.
