Shillong, Iaiong 23 : U Chief Executive Member ka KHADC (KHADC) Bah Titosstarwell Chyne ula ong ba ka dei ka dustur jong u Khasi ban shim jait na ka Kmie bad kane kan iai neh beit kumne.
U CEM ula ong “Kane ka dei naduh ka por ki Longshuwa Manshuwa bad ka kamram jong ngi ban bud ia kane ka riti dustur”.
Ka KHADC kam ju kyrshan ia ki Khasi kiba shim ia ka Jait u Kpa. Lah ban kdew ba u Executive Member (EM) Bah Jambor War ha ka 9 tarik Iaiong, 2023, ula pynpaw ba kito ki Khasi kiba shim ia ka Jait Kpa, yn ym khein kum ki Khasi namar kam long satia kat kum ka dustur ai jait Kmie.
