Shillong, April 23: Watla ka dei ka long kmie ba la don arngut ki khun hynrei ka Sangita Marak kala wanrah iaka burom iaka Meghalaya hadien baka la jop iaka jingkhun thei bhabriew lane ka Mrs. Vogue Star 2023 kaba long ha Jaipur naduh ka 14 haduh ka 16 tarik Iaiong.

Haba kren sha ki lad pathai khubor ka Sangita Marak kala pyntip ba ka la pyndep ia ka jingleh Audition ba la pynlong Online bad kala ioh ia ka jingshah hikai pyntbit daka Vogue ha Jaipur ban mihkhmat iaka jylla Meghalaya ha ka Mrs. Vogue Star 2023.

Ka Sangita ka la ong ba ha ka jingiakop theibhabriew kam dei dei naka jingbhabriew lane ka met ka phad hynrei kadei daka ba bishar iaka jingtbit ki nongiakop haba iadei bad ka jingkren, ka rukom iaid, ka jinglong shlur, ka jinglehstai bad kiwei kiwei de.

Kala iathuh ba ka jingiakop theibhabriew ka don arbynta ba kynthup Ms bad Mrs. Vogue Star 2023 hynrei kala ia shim bynta ha ka ka jingiakop kum ka Mrs. Vogue Star 2023 bad kala shah jied kum ka Mrs. Vogue Star 2023 napdeng ki 500 ngut ki nong iashim bynta
Ka Sangita Marak ka pynpaw ia ka jingsngewkmen kaba khraw ba ka la iohlad ban mihkhmat iaka Meghalaya bad ha ka juh ka por kum ka nongjop iaka Mrs. Vogue Star 2023 ka kyntu ia kiwei ki longkmie ban long kiba shlur ban shim bynta ha kum kine ki jingiakop daka ba pyndonkam hok iaka sap ba ki don.