Shillong, Lber 15: Ka Additional Director General (ADG) ki shipai Border Security Force (BSF) ba dei peit iaka Eastern Command Sonali Mishra, IPS kala wan jngoh iaka BSF Frontier Meghalaya naka bynta ban peit iaka jinglong jingman ki thain khappud.
Ka kyrwoh naka BSF ka kdew ba kane ka jingwan jong ka ADG ka long ban ia mir jingmut ha kaba ia dei ki lad ai jingiada ha khappud Meghalaya bad ka Bangladesh.
Ha kane ka sngi ka ADG kala pyndon burom ia ki shipai kiba la khlad ha u mot sah kynmaw bala shna kyrpang ha Killapara, West Garo Hlls District.
Ka ADG kala iakynduh ruh u Brigadier u General Md. Sahidul Islam ba dei u Regional Commander jong ka Border Guard Bangladesh (BGB) bad kiwei ki heh shipai ban ia kren ia ki kam kiba ia dei hapdeng ka Bangladesh bad ka jylla Meghalaya.
Ka jingwan jong ka ka Sonali Mishra sha Meghalaya ka long ban ia kynduh ia ki heh shipai ba dei peit ha kane ka jylla Meghalaya ha kaba ia dei bad ka jingpahara ha khappud hapdeng ka Bangladesh bad Meghalaya ban pynthikna ba kan lait na ki kam beain.
