Shillong, Rymphang 13: U National President ka BJP u Jagat Prakash Nadda yn wan poi ha ka nongbah Shillong ha ka 14 tarik u Rymphang ha kaba yn leit ban ialap elekshon ha kylleng ki jaka bad yn iakynduh ruh ia ki riewpawkhmat ka jylla bad ki kynhun nongkhaii.
U JP Nadda yn wan poi ha Umroi Airport ha kapor 3 baje janmiet bad nangne yn leit ban ialap elekshon ha ka jingialang paidbah kaban long ha Jhalupara Taxi Stand ha ka por 5 baje janmiet bad ynda la wai kane ka jingialang une u khliehduh jong ka seng BJP yn lum iaka jingialang bad ki nongkitkam jong ka party.
Ha ka sngi kaba bud kata haka 15 tarik u Rymphang, u JP Nadda yn pyllait paidbah iaka Election Manifesto ne ki mat treikam jong ka seng BJP ha ka jingialang kaban long ha Taj Vivanta ha ka por 11 baje mynstep.
Ha kane kajuh hi ka sngi, u JP Nadda yn ia bam ja lang bad ki riewpawkhmat ka jylla bad hadien kane haka por 2 baje mynsngi, yn iakynduh ia ki kynhun jong ki nongkhaïï.
