Shillong Nohprah 11: Ka kynhun tem Rock ba pawnam ha ka pyrthei ka Def Leppard kan wan ban pynlynguh pum ia ka nongbah ha ka 25 tarik u Lber 2026 ha J.N. Stadium, Polo Ground kum shi bynta jong ka jingleit rwai kane ka kynhun ha ki 3 tylli ki nongbah ha ka ri India.
Ki khlur kane ka kynhun na England ki kynthup ia u Joe Elliott, Phil Collen, Rick Savage, Vivian Campbell & Rick Allen kila pynbna ia kane ka jingwan tem ha ka Instagram bad ong ba “Kadei ka jingwan kaba lah slem”.
Kane ka kynhun mynshwa kala pynbna ban wan ha u snem 2008 sha ri India hynrei kala pynsangeh noh.
Ki jingrwai kiba pawnam jong kane ka kynhun ki kynthup ia ka “Pour Some Sugar On Me,” “Love Bites,” “Rock of Ages,” bad na ka thup jingrwai Hysteria bad Pyromania.
Ka Def Leppard kala die palat ia ka 110 million tylli ia ki thup jingrwai bad kala ioh artylli ki khusnam Diamond Award.
La pynrung ia kane ka kynhun tem sha ka Rock & Roll Hall of Fame, hynrei ka dang bteng pat ban pynmih ia ka thup jingrwai kaba thymmai ia kaba la khmih lynti kan dei ha u snem 2026.
Kane ka rynsan ia tem kaban long ha Shillong kadei kaba la khmih lynti ba kan khring ia ki nongieid jingrwai na kylleng ka thain shatei lam mihngi.
Ia ki tiket yn die “Live” ha ka 13 tarik u Nohprah 2025 ha ka por 12 baje mynsngi ha ka BookMyShow.
