Shillong Naiwieng 13: U Myntri uba khmih ia ka tnad Civil Aviation Rammohan Naidu Kinjarapu, yn wan ban jurip 2 sngi ia ka jylla Meghalaya ha ka 14-15 u Naiwieng ban iashimbynta ha ki jingsdang ia ka Demo Seaplane ha Pung Umiam bad ban iashimbynta ha ki jingialang kum shi bynta jong ka jingwan jurip ka jong u.
Ha ka 14 tarik u Naiwieng u Myntri yn plie iaka jingsdang ia ka Demo Seaplane Operation ha pung Umiam, Ri Bhoi District. Hadien kane yn iashimbynta ha ka 6th Helicopters & Small Aircraft Summit kaban long ha nongbah Shillong, kaba la pynlong da ka Ministry of Civil Aviation, Government of Meghalaya, Pawan Hans Ltd. bad FICCI.
Hadien katei yn leit ban iashimbynta ha ka North East Region Program kaban pynlong da ka Tnad Development of North Eastern Region (DoNER).
Ha ka 15 tarik u Naiwieng u Kinjarapu yn leit iashimbynta ha ka 2nd North East Aviation Summit bad ha ka Janjatiya Gaurav Divas kaban long ha State Central Library, Shillong.
