Shillong, K’lyngkot 27 : Ka Bharatiya Janata Party (BJP) Meghalaya Pradesh, ha ka sngi Nyngkong kala pyntip ba kan sa thaw ia ka Fact Finding Committee ban tohkit halor ka jingkynnoh tih dewiong beain hapoh ka Jylla.
Haba iakren bad ki nongthoh khubor, u President ka BJP Rikman G Momin ula ong “Ngin sa thaw ia ka Fact Finding Committee bad ngin sa shim ia ka sienjam ba donkam”.
Ula ong ba ka party kala shu iohsngew na ki paidbah ba ka jingtih dewiong beain ka dang iaid hapoh ka Jylla.
“Hooid, ngin sa kren ia kane ka kam hynrei ia mynta kam pat don kano kano ka jingtip bad ngi kum ka party namar ngi la shu iohsngew tang da ka jingiakren na ki paidbah ba ka dang iaid ka jingtih dewiong beain” ong u Rikman.
