Shillong Lber 14: Ka Dorbar Mang Tyngka jong ka Khasi Hills Autonomous District Council (KHADC) kan sdang naduh ka 26 tarik mynta u bnai.
Ha kane ka Dorbar Mang Tyngka kaba nyngkong kaba ialam da ka Executive Committee ba thymmai, yn wanrah ia ka Mang Tyngka jong ka Council ban ioh ia ka jingmynjur na ka dorbar, ban ioh siew tulop jong ki MDC bad ki nongtrei jong ka Council bad ban lah ruh ban pyntyllun shakhmat ia ki kam jong ka Council baroh kawei.
U Secretary ka Legislative jong ka KHADC ula pynbna tang ia ka sngi ban sdang ia ka Dorbar ha ka 26 tarik u Lber bad ym shim la pynpaw eiei haduh katno sngi kane ka Dorbar Mang Tyngka kan neh.
Katkum ki tyllong khubor kiba la iohlum la ioh jingtip ba kane ka Dorbar ka lah ban long 3 ne 4 sngi, ban ailad ia ki MDC ban ioh ban iatai halor ki mat bapher bad khamtam ban pynlong noh ia ka elekshon ban jied ia u Deputy Chairman ba thymmai jong ka KHADC.
 kan sdang naduh ka 26 tarik mynta u bnai.){kind=link}