Shillong Jylliew 24: Ka Meghalaya & Greater Shillong Progressive Hawkers and Street Vendors Association (MGSPH&SVA), kala pyntip ba mynta ka snem, kane ka Seng ki nongdie madan kala kynjoh shiphew snem ha ka jingtreikam bad jingiakhun jong ka na ka bynta ka kamai jakpoh bad ka hok ki nongdie madan, ki nongtrei nongbylla bad ia ka hok longbriew manbriew.
“Kum shi bynta ban rakhe ia kane ka lyngkhuh snem ba shiphew, ka seng kan pynlong ia ki prokram kaba lai sngi lynter naduh 25-27 Jylliew 2026 ha All Saints Hall, IGP, Shillong” la ong ka President, Kong Lasara Marbaniang ha ka kyrwoh bad ka bynrap ha ka kitei ki 3 sngi, man la ka sngi kan don ka iew paidbah bad la khot sngewbha ia baroh ki nongshong shnong ban iashimbynta da kaba wanrah ia ki tiar ne ki mar ban die.
La ong, ba kino kino kiba don jingthmu ne kiba kwah ban die jingdie ki lah ban phone shuwa ha une u number- +91 87318 16794 bad kane ka iew paidbah kan plie naduh ka por 10 baje mynstep.
Ka Kong Lasara kala pyntip ba ha ka 25 tarik kan don ka prokram lehkmen jong ka seng kaban sdang naduh ka por 10 baje mynstep bad ha ka 26 tarik ha ka por 10 baje mynstep, kan don ka jingiaphylliew jingmut hapdeng ki riewpaidbah halor ka phang ka jingpyntreikam ia ka Digital Infrastructure kaban myntoi ia ki nongtrei nongbylla.
Ha ka 27 tarik kan don ka jingiaphylliew jingmut halor ka phang, ka jingdheng kali ha Nongbah Shillong bad kiwei de ki jingeh ba ki nongshong shnong ki iakynduh bad ia kane ka prokram ruh yn sdang naduh ka por 10 baje mynstep.
Kala pyntip ba ha kitei ki 3 sngi kin don ruh kiwei ki jingpynsngewtynnat, kum ki jingleh drama, ki jingrwai bad kiwei bad ia ka jaka ban pynlong ia kitei ki prorkam kan dei ha All Saints Hall, IGP kaba don marjan bad ka Additional Secretariat bad ka Seng ka iawer bad khot sngewbha ia baroh sha kitei ki program.
, kala pyntip ba mynta ka snem, kane ka Seng ki nongdie madan kala kynjoh shiphew snem ha ka jingtreikam bad jingiakhun jong ka na ka bynta ka kamai jakpoh bad ka hok ki nongdie madan, ki nongtrei nongbylla bad ia ka hok longbriew manbriew.){kind=link}