Shillong, Dec 20: Ka Captain Williamson Sangma State University kaba dang shu seng thymmai kan kylla long noh ka ka jaka pule kaba kongsan ha kaba iadei bad ka Tribal Studies. Ryngkat ka jingthaw ia ka Department of Tribal Studies da ka jingthmu ban pynneh pynsah bad kyntiew ia ka ktien ka thylliej jong ki riewlum ka jylla Meghalaya.
Haba pynbna ia katei ka jingthmu, u Myntri ka Pule Puthi u Rakkam A. Sangma ula pynpaw ia ka jingskhem jingmut jongka sorkar ban iada ia ka kolshor ba riewspah lyngba ka pule puthi.
“Ngi iengskhem ha kaban iada ia ka kolshor kaba naduh kip or kulong kumah lyngba ka pule puthi” bad ka ong “Ka jingkynthuplang ia ka tnad Tribal Studies ka long ka sienjam kaba kongsan ban iaid shakhmat halor katei ka bynta”.
Ban pynthikna ba ka skulbah kan long kaba iaid beit iaid ryntih, la pynkhamti ha u Vice-Chancellor ban shimkhia na ka bynta ban thaw ia ki tnad pule kiba kongsan bad ia ki kam kiba iadei bad ka pule puthi. La khmih lynti ba ki klas kin sdang noh naduh u snem 2025 ha ryngkat bad ka jingiaid shkhmat bad ki kam kaba ki College kin pyniasoh (Affiliation) noh bad kane ka University.
Ha kaba iadei bad ka jingpyniasoh ki College, u Rakkam ula ong, “Ngi dang khmih bniah ia ki lad kiba biang tam na ka bynta ka University ba kan treikam kum ka skulbah kaban lah ban pyniasoh ki College. Ka rai kaba paka ngin sa shim noh shen halor kane”.
Ula pynbna ruh ba kala don ka jingtyrwa ban bhah ia ka jaka na ka bynta ban tei ia ka Campuns jong ka University ha New Shillong Township bad ka jingpyrshang kala iaid shakhmat ban ioh ia ka jingmynjur na ka All India Council for Technical Education (AICTE).
