Shillong, Risaw 19 : Ka Meghalaya Football Association kan pynkup burom ia ka samla Alisha Lyngdoh bad Bonifilia Shullai ha ka por shongthait ba shiteng jong ka jingialehkai hapdeng ka India-Iran ha ka Women’s Tri-Nations Tournament ban long la sngi Ba-ar ha JN Stadium, Polo.
Kine ki arngut ki samla ialehkai phutbol ka Jylla ki dei ki dkhot jong ka kynhun ialehkai ka Ri India kaba la ioh rung sha ka AFC U-17 Women’s Asian Cup 2026 ka ban long ha China.
Kine ki arngut ki thei ialehkai ka Jylla kila wan shuti sha Meghalaya hashuwa ba kin pynkhreh ia ka Indian Women’s League bad ki jingialehkai bad kiwei ki ri ka pyrthei.
