Shillong, Lber 14: Ka Executive Committee jong ka Seng Samla Kur Kharmawphlang kan pynlong iaka jingpynkup burom jaki khun samla Kur kiba wan shakhmat haki Examination kiba pher ba pher kin kynthup naduh ka SSLC/CBSE/ICSE/HSSLC/DEGREE/Post Graduate jong u snem 2021-2022.
La pyntip ba kane ka jingpynkupburom kadei shi bynta ban pynshlur iaki khun samla jong ka Kur Kharmawphlang ba kin trei shitom ban minot haka jingpule haki bynta ki bapher ki bapher.
La iathuh ba ia kane ka jingpynkup burom yn pynlong haka 6 Jymmang 2023 bad iaka jaka bad ka por yn sa pyntip hadien.
La kyntu ba ki khun samla kiba wan sha khmat haka kyrdan 1st Position/Division ba kin pynpoi iaka Xerox Copy jong ka Marksheet ki lane ki lah ban shu phah da ka Whatsapp ha kine ki Number 8731049019, 9774658831, 8414079820, 8131851521.
Ka tarik khatduh ba kin pynpoi iaki Xerox Copy Mark sheet kan dei haka 8 tarik Iaiong 2023 bad la kyntu iaki khun samla Kur Khawmawphlang ba kin da thoh ryngkat ia u Number Phone jong ki ha ka Xerox Copy.
