Guwahati, Naiwieng 12 :U Myntri ka sorkar pdeng u Sarbananda Sonowal ula ong ba ia ka jhad kaba nyngkong eh hapoh ka ri India ia kaba yn pyniaid halor jong ka wah, kata ka ‘Ganga Vilas’ yn sdang pyntreikam hapdeng ki artylli ki sorbah ba la rim hapdeng ka Varanasi hapoh Uttrar Pradesh bad ka Dribrugarh ha Assam naduh u bnai Kyllalyngkot jong u snem u ban wan.
Kane ka jhad ka ban iaid jngai tam halor jong ka wah kan iaid lyngba ia ki 27 tylli ki jaka wah ka ban kot ha ka jingjngai kaba haduh palat 3200 kilomitar, kata ka ban kynthup ia ka jingleit jngoh ia haduh kumba 50 tylli ki jaka shangkai kaba kynthup ruh ia ki jingtei ba sahnam.Ia ka jingiaid lynti yn pyndep hapoh ki 50 sngi.
Kane ka jhad ‘Ganga Vilas’ kan sdang iaid napoh Varanasi lyngba ka wah Ganga (NWI) hapoh UP ha u bnai Kyllalyngkot 2023, bad kan iaid lyngba ia ki lynti wah hapdeng ka Indo Bangladesh Protocol Route (IBRP) bad poi ha Bogibeel ha ka wah Brahmaputra (NW2) hapoh Dibrugarh, Assam ha u bnai Lber 2023.
