Shillong, Risaw 15 : U Vice President ka Ri Jagdeep Dhankhar un wan ban plie ia u mawnongrim jong ka Meghalaya Skill & Innovation Hub bad leit jngoh ruh ia ka IT Park ha ka sien wan ba nyngkong jong u ha Shillong.
U Vice President un wan ha ryngkat u Dr Sudesh Dhankhar, ha ka jingwan kai ba arsngi ha Guwahati, Assam bad ha Shillong ha ka 16 bad 17 tarik Risaw.
U Dhankhar un buh ia u mawnongrim ia ka Meghalaya Skill & Innovation Hub ha Mawdiangdiang, New Shillong bad hadien kane, un sa leit iuhkjat ha IT Park bad ha Raj Bhavan, Shillong.
Nalor kane, un iakynduh ruh ia u Myntri Rangbah ka Jylla lem bad ki heh Ophisar ka Jylla.
