spot_img

Yn phah dorkhas ki Tourist Taxi Association sha u CM ban khang kamai ia ki kali nabar ka jylla ha ki jaka jngohkai

Date:

Share post:

Shillong, Nailur 18: Ka All Khasi Meghalaya Tourist Association (AKMTA) bad ka All Khasi Meghalaya Tourist Taxi Association (AKMTTA) hynne ka sngi Balang kila rai ban phah da ka shithi sha u Myntri Rangbah ka Jylla ban dawa ba dei ban khang iaki kali Tourists nabar Jylla ban kit iaki nongwan jngohkai pyrthei (Tourist) sha kylleng ki jaka jngohkai hapoh ka Jylla.

Ia kane ka rai la shim haka jingialang jong ki dkhot ka AKMTA bad ka AKMTTA bala pynlong ha Madan Malki Shillong.

Haba kren ha kane ka sngi u dkhot ka JAC jong ka AKMTA bad ka AKMTTA u Bah Balajied Jyrwa u la ong ba kila shim ruh iaka rai ban pynlong da ka jingiaid paidbah bad da ka jingshah thngan lada u Myntri Rangbah ka Jylla, um jubab iaka shithi ba ki Association kin phah.

“Ka jingdawa jong ki Association ka long ba baroh ki kali kiba Register shabar Meghalaya kidei ban sangeh tang ha ISBT Shillong lane ha kano kano ka jaka ba ka Sorkar ka pynbiang bad nangto ki kali trai Jylla kin kit iaki nongwan jngohkai pyrthei (Tourist) sha kylleng ki jaka jngohkai hapoh ka Jylla” la ong u Bah Balajied.

U Bah Balajied u kam ba ki 2 tylli ki Association ka Jylla ki iatreilang bad ki Association ka Assam bad namar kata ki Association (Assam) ruh ki sngewthuh ia kaei kaba ki Association na Meghalaya ki dawa naka Sorkar Jylla.

Ula kynnoh ba bun ki kali (Tourist) ka Assam ki kamai ha Meghalaya hynrei ki kali Meghalaya kim lah ban kamai sha kiwei ki jaka jngohkai hapoh Assam.

 

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...