Nongstoin, Jylliew 27 : Ka samla Aibankyrmen Wanñiang, 22 snem ka rta, na ka shnong Siejlieh, Nongstoiñ, West Khasi Hills District ka la shah jied ban leit mih khmat ïa ka jylla Meghalaya sha ka lympung National Arm Wrestling lyngba ka Meghalaya Arm Wrestling Association (MAWA).
Kane ka lympung ialehkai kan long ha Thrissur, jong ka jylla Kerala, ha ka 28 tarik u Jylliew 2025 bad ka ban kut pat haduh ka 2 tarik u Naitung 2025. Kane ka samla kan iakhun ha ka Youth Categories ba 50 kg.
Na ka liang ka Siejlieh Sports Social and Cultural Youth Organisation ryngkat ka shnong Siejlieh hadien ba la ïoh pdiang ïa ka shithi lyngba ka MAWA, kum ka dak jong ka jingai mynsiem ka la kitbok kitrwiang ïa katei ka samla.
