Shillong, Jymmang 17: Ka Tnat Animal Husbandry and Veterinary ka Sorkar Jylla, kan sa lum ka jingialang ban khmih bniah haba iadei bad ka jingkiew dor kynsan ka doh masi, doh sniang bad doh Syiar.
Ia kane la pyntip da u Myntri ka tnat Animal Husbandry u Bah AL Hek haba pynpaw ba kane ka jingkiew dor ki jait doh bapher bapher ka dei hi namar ba duna ka jingpoi ki jingri kum ki masi, sniang bad syiar.
U Bah Hek ula iathuh baka Meghalaya ka donkam kumba 50% ki jingri kiba na bar ka Jylla namar ka Jylla ka duna bha ka jingpynmih iaki jingri naduh ki Sniang, Masi bad Syiar.
Ula iathuh ba watla u dang shu wan poi sha Shillong hynrei ula ioh jingtip ba ka don ka jingthut ban pynpoi ki jingri na kiwei ki Jylla sha Meghalaya bad sha kiwei ka Jylla ka thain sathei lammihngi.
“Ngan sa lum ia ka jingialang bad ki ophisar ka tnat ban bishar bniah halor kane ka bynta khnang ban lah pynduna biang iaka dor jong ka doh kat kaba lah” ong u Bah Hek.
