Nongstoin, Rymphang 01: U Expenditure Observer jong ka West Khasi Hills District, Nongstoin, u la iakynduh mynta ka sngi ka 1 tarik u bnai Rymphang 2023 ia ki nongpyniaid jong ka election, hapoh ka jingialam jong u bah Garod LSN Dykes District Election Officer, ha kaba la synrang lang da ki RO, ARO, Magistrate, ki nongialam jong ka Flying Squad Team, Static Surveillance Team, Video Surveillance Team, Assistant Expenditure Observer, Accounting Team bad kiwei kiwei ha Conference Hall DC office, Nongstoin.
U Observer u la kyntu ia ki nongpyniaid election ban trei hok, trei shitom bad u la kdew ruh ba baroh ki jingpynlut (expenditure) bad ki cell kin treikam noh ban pynlong ruh ia ka jingtalasi haba don ka jingshan khmat ia ki kali kiba iaid kiba rah pisa, kyiad, jingpynbuaid da ka jingmut ban thied bad pynbiej ia ki nongthep vote.
U la ai ruh ia u contact number na ka bynta ki paidbah ban pynsngew bad ai jingtip ha u lada don ki jingujor, khnang ban pynlong ia ka election kaba khuid kaba suba kaba laitluid bad kaba iaid beit iaid ryntih.
