Nongpoh, Lber 16 : Ka Dorbar Shnong Nongdewsaw, Ri-Bhoi District, kala pyntip ba shen kan sa iasoi ia ka soskular Memorandum of Understanding (MoU) bad ka Japan International Cooperation Agency (JICA), ban aiti ia ka khlaw ba 20 hectare, ba kan pynrben biang da kaba thung dieng thungsiej.
Ia kane la pyntip da u Rangbah Shnong Bah AB Warjri hadien jong ka dorbar ba khatduh ka Dorbar Shnong na ka bynta u snem 2023-24. Kane ka long ruh kum ka jingpyntip sha baroh ki Nongshongshnong lem bad ki briew kiba don jaka hapoh u pud u sam jong ka shnong Nongdewsaw.
U Bah Warjri ula shah jied thymmai biang kum u Rangbah Shnong ka Nongdewsaw ha kane ka Dorbar Khatduh.
Haba kren sha ki lad pathai khubor, u Bah Warjri ula pyntip ba ka Shnong kala ioh pdiang ia ka skhim lyngba ka JICA, ban thung dieng ha ki jaka khlaw ba don hapoh ka Shnong. U pyntip ba ka JICA kala pan 20 hectare ban thung dieng ha kine ki khlaw ban pynneh pynsah ia ka mei mariang.
U Bah Warjri ula khot ia baroh ki Nongshongshnong bad kiba don jaka hapoh Shnong, ba kin wan mih ha ka 23 tarik Lber 2024, ha ka Ophis treikam ka Dorbar Shnong ban iakrren pynbeit ia katei ka kam.
 bad ka Japan International Cooperation Agency (JICA), ban aiti ia ka khlaw ba 20 hectare, ba kan pynrben biang da kaba thung dieng thungsiej.){kind=link}