Shillong, Kyllalyngkot 08: U Myntri ka Sorkar Pdeng uba khmih ia ka Tnad Fisheries, Animal Husbandry & Dairying u Parshottam Rupala, ha ka sien kaba nyngkong eh un leit jngoh ia ka South West Garo Hills District, kaba don ha khappud bad ka ri Bangladesh.
Une u Myntri ka Sorkar Pdeng yn hiar ha ka 9 tarik Kyllalyngkot sha kane ka District bad un pyniaid ia ka jingialang ban peit bad iatai bniah halor ki skhim bapher bapher jong ka Sorkar India ha Ampati, South West Garo Hills ha ryngkat ka jingdonlang ki ophisar sorkar bad kiba don bynta ha katei ka kam.
Ha ka 10 tarik Kyllalyngkot pat u Rupala, yn iakynduh ia ki kynhun Self Help Group jong ki longkmie, ki nongri jingri bad ki briew kiba trei ha ki kam ri dohkha jong ka thain.
Une u Myntri yn leit jngoh ruh ia ka Iew Khappud ha Bangladesh ban iakren bad ki briew ba sah ha katei ka thaiñ.
