New Delhi , Risaw 25: Ka National Council of Educational Research and Training (NCERT) Committee kala rai ban bujli noh ia ka kyrteng ‘India’ da ka ‘Bharat’ ha manla ki kot ba pule ha ki skul hapoh ka Ri.
Ka NCERT kala shim ia kane ka rai ha ka jingialang ba long hynne ka sngi haba mynjur ruh ban bujli noh ia ka sobjek ‘Classical Hisoty’ n aka ‘Ancient History’. Ia kane la pynbna da u Chairman ka Committee C.I Issac.
Nalor kane, ka Committee kala tyrwa ruh ban wanrah noh ia ka Indian Knowledge System (IKS) ha ki curriculum jong baroh ki sobjek.
Kane ka rai jong ka NCERT Committee kala mih ruh hapdeng ka jingiatai kaba dang jur halor ka jingthmu pynkylla kyrteng ia ka Ri India sha ka Ri Bharat.
Kane kala mih haba sdang jong une u snem hadien ba ka Sorkar Pdeng kala phah ia ka G20 Dinner Invitation (jingbam ja) jong ka President ka Ri Droupadi Murmu ha ka kyrteng kum ka “President of Bharat” ha ka jaka jong ka “President of India”.
Ka Riti Synshar ka Ri, ka Iingkashari ba hakhlieh duh ka Ri, kala pyndonkam lang ia ka ‘India’ bad ‘Bharat’ ha ki jingthoh jong ki.
Ka Article 1 ka ong “India, kata Bharat, kin dei ka union of States”. Kane ka article jong ka riti synshar ka Ri ka dei ka jingthoh kaba kongsan bha namar ka pruid dak ia kaei kaba jer kyrteng ia ka Ri.
Ia ka draft jong ka Article 1 la pdiang ha ka 18 tarik Nailur, 1949, kaba la wanrah da u Chairman ka Drafting Committee Dr Ambedkar
