Shillong, Jylliew 26: U deputy chief executive member (CEM) ka Khasi Hills Autonomous District Council (KHADC) u bah P.N Syiem ula pyntip baka Executive Committee (EC) kan shim khia bad ka buddien iaki sienjam bala shim daka EC barim haba iadei bad ka jingwan buhai shnong ki briew napoh ka jylla Manipur.
Haba jubab iaka Motion bala wanrah da u MDC shu sieh bah Bindo M Lanong, u bah P.N Syiem u la ong ba ha kaba iadei bad ka jingbthah ban pyrkhing ban aiwai iing ka EC ba mynta ruh kan iai pyntreikam da ka juh ka hukum bala pynmih daka EC barim.
“Ngin phah jingthoh biang sha ki khlieh nongsynshar shnong ha sor bad khapsor ba kim dei ban iaid lait na kane ka hukum bad ba kim dei ruh ban ai kino kino ki syrnot pynshisha nongshong shnong ia kine ki briew ba wan riehtngen shipor bad haka juh ka por ba ki dorbar shnong ruh kidei ban lum jingtip iaki briew kiba wan phet rieh napoh ka jylla Manipur” la ong u bah P.N Syiem.
Haba shim bynta ha ka mat iatai ba la wanrah u Nongialam ka Liangiatei u bah Titosstarwell Chyne ula ong ba ka jingwan jong kine ki briew khamtam napoh ka jylla Manipur ka long kaba jur bha bad naka liang ka EC barim ruh kala kyntu iaka sorkar jylla ban ban da shim jingkhein iaki briew khnang ban tip katno ngut kila wanpoh sha Meghalaya khamtam ha Shillong.
U bah Titos ula kyntu ba ka EC ba mynta kadei ba thoh sha ka sorkar jylla ban buh da ka ktem ki phetwir lane ka Refugee Camp bad ymdei ban shu shah iaki ba kin sah ha kylleng ka sor Shillong namar kane kan sa long syndon iaki kum ki nongshong shnong pura ka jylla ha kawei ka sngi.
“Na ka liang ka EC kaba rim ngi la ai ka jingbthah sha ki Dorbar Shnong ba ki dei ban pyrkhing ia ka jingwai ïing sha ki briew kiba na bar jylla khamtam kiba wan na Manipur khlem kino kino ki kot ki sla kiba biang bad nga kyrmen ba ka EC ba mynta kan bbud ia kane ka dienjat ba ngi la leh” la ong u bah Titos.
U bah Titos ula ong ruh ba lada aili than iaki briew ban wan buhai shnong kan poi ba kine ki nongwan riehtngen ha ka jylla kin pyni bor kylla ia ki trai shnong bad ki bor synshar tynrai ka jylla kumba la jia ha ki katto katne ki Refugee Colony kiba la don lypa ha sor Shillong.
Pule ruh: Yn wan u Myntri Khynnah ka IT bad Skill Development ha Jylla
 ka Khasi Hills Autonomous District Council (KHADC) u bah P.N Syiem ula pyntip baka Executive Committee (EC) kan shim khia bad ka buddien iaki sienjam bala shim daka EC barim haba iadei bad ka jingwan buhai shnong ki briew napoh ka jylla Manipur.){kind=link}