Shillong , Naitung 06: U Chief Exectutive Member (CEM) ka Khasi Hills Autonomous District Council (KHADC) u lah ban bhah kam thymmai ia ki 2 ngut ki Executive Membeer (EM) jong u hashuwa ka Dorbar Lyiur jong ka Council ka ban sdang ha ka 6 tarik Naitung.
Ki tyllong khubor kila iathuh, ba kitei ki ar ngut ki Executive Member (EM) kiban ia bujli ia ka bhah kam ka jongki, ki kynthup ia Bah Paul Lyngdoh bad u Bah Jambor War kiba na ka seng United Democratic Party (UDP).
La iathuh ba ka jingbhah kam thymmai kan long thik tang ia kine ki ar ngut ki EM ka UDP ym ia kiwei pat ki EM kiba na kiwei pat ki seng kiba don haka kynhun United Democratic Alliance (UDA) bad katei ka jingpynbna paidbah ha kaba iadei bad ka jingbhah kam thymmai kan mih ha ka 6 tarik u Naitung kaba dei ka sngi sdang jong ka Dorbar ka KHADC.
Kumba ka long mynta u Bah Jambor War u khmih iaka tnad Elaka katba u Bah Paul Lyngdoh u khmih iaka tnat Taxation, Town Committees, Building Byelaws bad Sports & Youth Affairs.
