Guwahati, Naitung 22 : Ka United Liberation Front of Asom (Independent) kala pynbna ba ka kyntait ban pdiang ia ka jingkhot jong ka Iingkashari Special Court ka National Investigation Agency (NIA) ia ki Nongialam.
Kiba shah khot hajir ki kynthupia u Chairman bad General Secretary, halor ka case ba kawang bomb grenade ia ka len shipai ha u snem bala lah.
U Ishan Asom, Nongialam ka ULFA (I) ka Publicity Wing ula ong “Ka jingakynad hapdeng ka Assam bad India kam dei satia tang ha ka shongsuk shongsain, hynrei ka dawa ban pynbeit da ka bor synshar khadar. “Ula kyntu ia ka NIA ba kan tynruh ia ka Sorkar Pdeng ba kan iakren halor ka jinglaitluid ka Assam.
Dang shen, ka NIA kala phah notice ba khot hajir ia u Chairman ka ULFA(I) Paresh Baruah, u Nongialam ka kynhun Arunodoy Ason bad kiwei, ban bishar halor ka jingkawang hang grenade ia ka len shipai ha Kakipathar, Upper Assam, Tinsukia District ha u bnai Naiwieng 2023.
Watla ym shym la don mano mano ka mynsaw, ia kane ka case la aiti ban tohkit ha ka NIA.
Ha u JYmmang, ka NIA kala aiti ia ka chargesheet pyrshah ia u Baruah bad 5 ngut kiwei pat, ba kynnoh ba ki dei kiba kynshoit bad suhbuit ia kane ka jinghiar thma bala leh da ki arngut ki samla kiba shong thuk thuk.
Ka ULFA (I) kala kyntait ia ka jingdonkam bad kynnoh kylla ia ki kynhun syntiat kum ka RAW, IB bad MI kiba leh ia kane ka kam.
 kala pynbna ba ka kyntait ban pdiang ia ka jingkhot jong ka Iingkashari Special Court ka National Investigation Agency (NIA) ia ki Nongialam.){kind=link}