Shillong, Naiwieng 14 : Ki Samla pule ba iakhih jong ka North Eastern Hill University (NEHU) kila kyntait ban pdiang ia ka rai jong u Vice Chancellor Prof PS Shukla ban thung ia ki Pro-Vice chancellor ka Shillong bad Tura Campus.
Haba iakren bad ki nongthoh khubor, u General Secretary ka NEHUSU Toniho Kharsati ula ong “Ngim pdiang satia ia ka rai kaba la shim da u VC bad ka jingshisha ka long ba ngi pynrem ia kane ka rai u VC ba ong bat hung ia ki Pro VC ha Shillong bad Tura”.
“Ngan kren da kaba shai ba ngi la sdang ia kane ka jingiashah thngan khlem pud halor kawei ka mat jingdawa ba kongsan bad kata ka long ban weng noh ia u VC. Ngi dang ap ia ka jubab na u VC naba ngi la iohi ba wat u Myntri Rangbah ula ong ba ha ka por janmiet ngin sa ioh ia ka khubor kaba sngewtynnad. Ka khubor ka long pynban ba ha ka jaka ba u VC un mih noh na campus bad ma u dalade ula thung ia ki Pro VC ka dei kaei kaei kaba ki samla pule kim pdiang satia. Ngin ym pdiang satia ia kane ka rai” ula ong.
Une u nongialam ki samla pule ula pynpaw ruh ia ka jingbym sngewtynnad halor ka jingpynbna ba la pynmih da u Assistant Registrar (Planning) bad ong ba ka dei ka jingpynbna kaba hap ban pynmih da u Joint Registrar Establishment.
“Namar kata, kane ka kam u VC ha kaban shim ia ka rai katba u dang don shabar ka University bad ka jingbym bud ia ki rule ka dei kaei kaeikaba ki samla pule ki pynrem jur bad ngim iohi ba kan don nongrim ha kane ka rai” ula bynrap.
 kila kyntait ban pdiang ia ka rai jong u Vice Chancellor Prof PS Shukla ban thung ia ki Pro-Vice chancellor ka Shillong bad Tura Campus.){kind=link}