Guwahati, Nailur 13 : Ka thma Twitter hapdeng u MP ka Congress Gaurav Gagoi bad u Myntri Rangbah ka Assam Himanta Biswa Sarma kala khring ia ka jingphaikhmat ki paidbah hadien ba la kynnoh ba u Myntri Rangbah ula pyndonkam iala ka bor ban iarap ia ka Lok ha ka jyrsieh Kisan Sampada ba T.10 klur.
Kane kala sdang haba u Gaurav Gagoi ula thoh ha ka X “U PM Modi ula pyllait ia ka Kisan Sampada Scheme ban pynkamai arshah ia ki nongrep ka Ri India. Hynrei ha Assam, u Myntri Rangbah Himanta Biswa Sarma ula pyndonkam ia ka bor ban iarap ia ka kompani ka Lok ba kan ioh T. 10 klur kum shibynta na ka ram ba don subsidy. Hato ki skhim ka Sorkar Pdeng ki dei tang ban pynriewspah ia ki BJP”.
Haba jubab ia kane ka jingkynnoh u Gagoi, u Himanta Biswa ula thoh ha X ( twitter ba mynshuwa), “Nga kwah ba pynshai ba ka Lok jong nga ne ka Kompani ba ka don jingiadei, kam shym la ioh ia kano kano ka song pisa subsidy n aka Sorkar India”.
Ka Liang Pyrshah kala ther biang ia u Myntri Rangbah ka Assam halor ka jingkynnoh jyrsieh Kisan Sampada jong ka Lok bad nongsengkam Riniki Bhuyan Sarma.
Kane kala mih hadien ba ka kurim u Himanta ka Riniki Bhuyan Sarma kala ioh T. 10 klur kum ka subsidy n aka Ministry of Food Processing haka kyrteng jong ka kompani jong ka bala tip kum ka Pride East Entertainment Pvt Ltd.
