Shillong, Lber 20: Ka interim report bala aiti da u Single Member Committee hapoh ka Iingkashari Meghalaya High Court kala pyntip ba kam shym la don satia kano kano ka jingiap ne jingmynsaw jong ki nongtih par dewiong ha shnong Muriap, kaba hap ha East Jaintia Hills.
Kat kum ka jingmih kot khubor la kynnoh ba lai ngut ki nongtih mar kila iap bad 12 ngut kila mynsaw ha ka jingtwa ka par dewiong ha Muriap, East Jaintia Hills District.
Halor kane, ka Single Member Committee kala kyrpad ia u Deputy Commissioner ban pynlong ia ka jingtohkit bad ban aiti ia ka kaiphod.
Halor kane, u Deputy Commissioner ula bthah ia u Superintendent of Police ka East Jaintia Hills District ban pynlong ia ka jingtohkit.
“Ka kaiphod ba 16/02/2024 bala aiti da u Superintendent of Police sha u Deputy Commissioner ka pyntip ba ym shym la lap ia kano kano ka jingjia ha ka por ba pynlong ia ka jingtohkit bala khlieh da u O/C ka Saipung Police Station” ong ka Committee ha ka interim report ba 21.
