Shillong Risaw 06: Ki riewshemphang bad ki nongiada mariang kila iakynduh lang ha nongbah Shillong ban wer ia ka jingdonkam ban iashimbynta shitrhem da ka imlang sahlang bad ki polisi kiba kyrshan ia ki lad ki lynti ban pynlong ia ki briew ba kin ia im ryngkat lang bad kiwei ki jingim.
Ka North Eastern Regional Centre of the Zoological Survey of India (ZSI), Shillong, kala pynlong ia ka Awareness Programme kaba shi sngi halor ka mat “Human-Elephant Conflict” kum shi bynta jong ka Wildlife Week 2025, ha kaba la lum lang ia baroh ki nongwad bniah, ki nonghikai bad ki samla pule ban iatai ia ka jingdonkam ban shim ia ki sienjam ban weng ia ka jingialeh marpyrshah ne jingiatakhuh hapdeng ki briew bad ki hati.
Ha kane ka jingialang la wan ban iashimbynta da u Prof. P.C. Bhattacharjee, u Professor barim ka Tnad Zoology jongka Gauhati University, Dr Bibhuti Prasad Lahkar, Programme Secretary & Deputy Executive Director ka Aaranyak bad u Peter Thorose u Principal jongka St. Peter’s College, Shillong.
Ha ba kren halor ka “Human-Wildlife Conflict in North-East India,” u Prof. Bhattacharjee ula ban jur ia ka jinglong jingman jong ka jingiatyngkhuh hapdeng ki briew bad ki hati bad ula banjur ia ka jingdonkam ban don ia ka rukom treikam bad ia ki buit treikam ban lah ban ia im ryngkat lang, kaban kyntiew ha kaba iadei bad ka Saian, ka rukom synshar bad ka jingsngew synei.
U Dr Lahkar, haba kren halor ka mat “Community-based Human-Elephant Conflict Management in Assam,” ula iathuh ia ki nuksa kiba bha bad ba seisoh naduh ka jingpyntreikam ia ka jingmaham lypa (early-warning system) sha ka jingker ia ki jaka rep kaba pyni ba kumno ki briew ha ki shnong ki thaw ki lah ban long ki nongiada kiba hakhmat eh ban don ia ka jingia im ryngkat lang.
U Thorose ula banjur ba ka jingseisoh ha kaban pynneh pynsah kaban neh slem, kan shong eh ha ka shnong ka thaw ban long ki nongiada ia ki jingdon jingem bad ia ki jaka ki puta” bad iawer ban kynthuplang ia ka jingstad bad jingshemphang ki riewlum ha kaban iada ia ki mrad khlaw.
Ia kane ka prokram la plie d ka jingai jingkren na ka Jennifer Lyngdoh, Scientist-E bad Officer-in-Charge, NERC-ZSI, bad la ioh ia ka jingkren na u Dr Saipari Sailo u Scientist-D, u Dr Uttam Saikia u Scientist-D.
Palat 60 ngut ki samla pule bad ki nonghikai na ki College kiba pawkhmat ka nongbah Shillong kila wan ban iashimbynta kaba kynthup ia ka St. Anthony’s, St. Edmund’s, St. Peter’s, St. Mary’s, Shillong College, Sankardev College bad Lady Keane College.
