Shillong, Jylliew 07: U myntri ka tnat Social Welfare bah Paul Lyngdoh hynne ka sngi Balang, ula pyntip ba ka Sorkar Jylla kala weng ia ka Kong Phidalia Toi kum ka Chairperson ka Meghalaya State Commission for Women (MSCW) namar ka jingpynkhein ia ki rule jong ka Meghalaya State Commission for Women Act, 2005.
U Bah Paul u iathuh ba ka Kong Phidalia Toi ka dei ban leit iashimbynta haduh lai tylli ki jingialang jong ka Commission kat kum ka Rule hynrei kane ka Longkmie kala pep haduh saw tylli ki jingialang bad leit iashimbynta ruh ha ka jingialap elekshon ia u kyrtong ka NPP na Jowai, Wailadmiki Shylla ha ka elekshon MLA ba dang shu dep.
“Nga la pule bniah iaka File. Ka Chaiperson barim ym tang baka shim bynta haka jingialap ilekshon hynrei kala dei ruh ban leit shim bynta haduh lai tylli ki jingialang hynrei kala pep ha baroh saw tylli ki jingialang bad dei namar kane kam shym la long kaba itbit ban shimti biang kum ka Chairperson jong ka MSCW” la ong u bah Paul.
U Bah Paul ba ka Sorkar kam pat thung Chairperson thymmai satia namar kan hap ban phukir bha haba iadei bad ka jingjied iaka briew namar kane ka jingjia jong ka kong Phidalia.
“Ngi donkam ban wad daki briew ki ban shakri hok iaka Women Commission namar kadei ka tnat treikam kaba donkam bha bad dei namar kane donkam hi daka briew kaba don shisha ka jingmut ban trei iaka kam kumba la bynshet” ula ong.
Haba kylli u bah Paul ula ong ba shen ka sorkar kan sa wanrah iaka thup kyrteng jong ki briew bad hadien kane un sa iakren bad u myntri rangbah ka jylla ban iathir halor ki briew ki ban shimti thymmai kum ka Chairperson jong ka Commission.
U bah Paul ula mynjur baka jingthung Chairperson kam dei ban long tang lada ka briew ka don jingiadei bad kino kino ki sengsain pyrthei.
“Wat ju khuslai namar nga kwah hi ba ka briew ka ban shimti kum ka Chairperson jong ka Commission kan dei kaba tbit, nga jied iaki bat bit kiba lah ban trei iaka kam ym kino kino kiba don bynta ne don jingiadei bad kiba don haka bor ne bad kino kino ki sengsain pyrthei” ula ong.
Nalor kane u myntri ka tnat Social Welfare u bah Paul Lyngdoh ula pyntip baka sorkar kala wengkam iaka kong Phidalia Toi kum ka Chairperson jong ka Meghalaya State Commission for Women (MSCW) namar kala pynkhien iaka Meghalaya State Commission for Women Act, 2005.
U bah Paul ula iathuh ba nalor baka kong Phidaloi kala pynkhien iaka Meghalaya State Commission for Women Act, 2005 daka ba leit shim bynta ban ialap ilekshon ia u MLA ka Jowai u bah Wailadmiki Shylla, kala pep ruh iaki jingialang jong ka Commission haduh saw sien.
 namar ka jingpynkhein ia ki rule jong ka Meghalaya State Commission for Women Act, 2005.){kind=link}