Shillong, Rymphang 09 : U President ka National People’s Party (NPP) Meghalaya bad Symbud Myntri Rangbah Bah Prestone Tynsong ha ka sngi Saitjain, ula kyntu ia ki Khlieh Nongsynshar ba kim dei ban sheptieng ia ka jingshah byrngem ba dang shen ha kawei ka seng sain pyrthei (VPP) namar ki dei kiba la pynkupbor da ki Autonomous District Council (ADC).
Ula kynthoh ia kane na ka rynsan ialap elekshon ha Laitlyngkot, Nongkynrih ban pan jingkyrshan iala u jong u pyrsa bad kyrtong ka NPP na Langkyrdem-Laitkroh constituency Bah Rahboklang Tynsong.
U Bah Prestone ula ong ba ki don ki seng sain pyrthei kiba la byrngem ban tan ia ki Khlieh Nongsynshar (Rangbah Shnong) sha Iingkasharitang namar ba kim shym la ai ia ka jingbit ban pynlong ia ki jingialang paidbah ban ialap elekshon.
“Nga sngew synei ia baroh ki Rangbah Shnong hynrei nga ong ha phi ba ka Ain ka don ban iada ia phi, sngewbha ban ym sheptieng namar phi dei kiba la iohbor pura na ki District Council” ula bynrap.
Haba kren ia ka jingjia ha Mawlai, u Bah Prestone ula ong “Nga pang ka dohnud haba nga peit ia ka Mawlai Town Dorbar. Hadien ka jingiohpdiang ia ki jingujor na ki Kmie Kpa bad ki samla pule, ki hynriew ngut ki kyrtong (na Mawlai) ha ryngkat bad ka MTD kila iarai lang ban nym shah pynlongia ka jingialang paidbah naba kan pynthut ia ki samla pule, kiba dang pynkhreh ia ki eksamin bapher bapher. Hynrei sngewsih, ia kane la pynbud da ki jingbyrngem ha ka sngi kaba bud. U nud ban byrngem kat ia ki Khlieh Nongsynshar, ki bym shym la ioh wat ia ka jingsiew ban ai ka jingshakri”.
Haba thalain tyngeh ia ka jingthmu ban ujor ejahar pyrshah ia ki Rangbah Shnong, une u Nongialam ka NPP ula ong “Sangeh ka jingkdew kti jong phi ia kiwei, peit shuwa iala ki jong ki jingduna”.
“Nga kyrpad ia ki paidbah ka Nongkynrih-Laitlyngkotba kim dei ban shah pynbiej ha kum kine ki party” ula ong.
U Bah Prestone ula ai ka jingiaroh ruh ia ka KHADC bad ong “Ngi la nang aibor ia ki Seng Kynthei bad Seng Samla hapoh ki Shnong. Kane ka Ain ka dei kaba la thaw da u CEM ba mynta Bah Pyniaid Sing Syiem ha ryngkat ka jingiasyllok bad nga lem bad ki Ophisar jong ka Sorkar Jylla”.
Haba kam ba ka Sorkar NPP kala pynbha bun bha ia ki surok hapoh ka Jylla , u Bah Prestone ula ong “Kane ka pyni ia ka jingieid ba shisha ia ka Jaidbynriew ym kum kito kiba nang tang ban shu kular katba hala ki jong ki constituency, ka jinglong jingman ki surok kim I long shuh wat tangban iaid ki kali kulai. Kumta, ki paidbah kim dei ban shu ngop ha ki jingpynbiej jong kine ki party”.
Ula kular ruh ba ka NPP kan pynthikna ban ai ka jingiada kaba pura ia ka hok bad ki jingmyntoi jong ki paid riewlum trai muluk lyngba ki District Council.
“Kane ka elekshon ka long kaba kongsan bha. Ki don shibun ki ain kiba ngi kwah ban wanrah lyngba ki District Council ban nangpynkhlain bad pynshngain ia ka lawei jong ki paid riewlum trai muluk” ong u Bah Prestone.
 Meghalaya bad Symbud Myntri Rangbah Bah Prestone Tynsong ha ka sngi Saitjain, ula kyntu ia ki Khlieh Nongsynshar ba kim dei ban sheptieng ia ka jingshah byrngem ba dang shen ha kawei ka seng sain pyrthei (VPP) namar ki dei kiba la pynkupbor da ki Autonomous District Council (ADC).){kind=link}