Thung ka KHADC da u briew ka party Prah kum u Acting Syiem ka Sohra
Shillong, Nohprah 22 : Ka kynhun kiengatiar bala khein be-ain-ka Hynniewtrep National Liberation Council (HNLC) kala kynthoh ba ia u President ka Voice of the People Party (VPP) Bah Ardent Miller Basaiawmoit, ba um dei ban saitkhuid ia ka kam thung Syiem ka Hima Sohra bad ba um dei ban leh kum u “Blei Khyndew”.
U General Secretary ka HNLC Bah Sainkupar Nongtraw ha ka kyrwoh ba pynmih ha ka sngi Nyngkong, ula ong “Ngi (HNLC) tip shai ba u Mynjurlang Majaw uba la shah thung kum u Acting Syiem (Hima Sohra) u dei u briew jong ki na ka party Prah”.
“Ka HNLC kam kynriah tang shi ksai naka nongrim ba ka ieng halor ka jingbym ai sanad ka KHADC ia u Syiem Sohra namar ngi tipshai ba u Mynjurlang Majaw u Acting chief ba ka thung, u dei u briew jong ki naka party Prah, kumta u Ardent ym dei ban saitkhuid bad ym dei ban leh kum u Blei khyndew” ong ka kyrwoh.
Kat kum ka jingong u Bah Sainkupar, “ Ngi don ka hok ban tuklar ,bad ka hok jong ka jaidbynriew kaba phi hap ban siew ka long kumba phi bet kumta ruh phin sa ot”.
“U David bashisha ym ju put turoi ialade ha camera shuwa ban leit sha thma. Lada ka por ka lah khot wat u david thok(false david) ruh u hap long langknia” ula bynrap.
Ka HNLC kala pynkut da kaba ong “Ka kot ba ka HNLC kan sa pynmih shen kaba kyrteng “The Blueprint of Hynńiewtrep” kan sa ai ka jubab iaki ba bun ki jingkylli kynthup iaki Artylli ki jingkylli u Ardent, nga buh kumjuh kane kajuh ka jingkylli ia u Ardent, kum ka Jaidbynriew la u kwah ban shong iingwai sah kumne ne u kwah ban shong iing lajong???” .
 kala kynthoh ba ia u President ka Voice of the People Party (VPP) Bah Ardent Miller Basaiawmoit, ba um dei ban saitkhuid ia ka kam thung Syiem ka Hima Sohra bad ba um dei ban leh kum u “Blei Khyndew”.){kind=link}