Nongpoh, Lber 19: U samla Obinas Warjri khun jong I kong Skila Warjri ba shong ba sah ha Pyndengumiong Mairang, ula wanrah nam ïaka Jylla Meghalaya da ka jingioh khur ïaka Takma Rupa haka jingïalehkai MMA kaba dang shu dep shen ha ka ri Thailand.
U samla Obinas Warjri u ba la shah rem noh ha u rang ïalehkai ka Mexico haka jingïakhun phainal bad kala pynlong syndon ïa u ba un ïoh ban rah ïa u takma Rupa. U
ne u samla na jylla Meghalaya u ba la shah jied ha kawei ka lympung iakhun MMA ka ba dang shu dep ha Nongbah Guwahati hadien ba ki nong jied ki la i bit ia u ba un leit ban shim bynta sha ka jing iakhun kaba heh bad ban mihkhmat naka bynta ka Ri India.
Kane ka jing iakhun kaba heh ka dei kaba la tip kum ka 5th International Thai Martial Arts Games and Festival ha ka Ri Thailand kaba la sdang naduh ka 12 tarik haduh 17 mybta u Bnai.
Ka Hynniewtrep Achik National Movement (HANM) hapoh ka jing ialam u President ka Eastern West Khasi Hills District u bah Artist Ryntathiang, u Bah Bung Sohpdang u president ka HANM Baridua circle ha ryngkat ka jing ïadonlang bad ki dkhot na sengkmie mynnin ka sngi u Blei ki la leit shaw bad pdiang burom ïa u samla Obinas Warjri.
Ka HANM kala kyrpad iaka sorkar ba ka dei ban leh eiei ïa kum kine ki khynnah ki ba don sap haki kam ialehkai bad ban kynshan bad kyntiew lem ïaki haki ba bun ki liang khnang ba kin ioh mynsiem bad ban nang pyntriem shuh shuh ha ki kam ïalehkai khnang ba ka lawei jong ki kan num leh nohei.
