Shillong, Rymphang 15: U Pynshngaiñ Kurbah 18 snem ka rta, uba pule Klas X ha MeECL Secondary School, Sumer, Ri Bhoi District, ula wanrah nam bad burom iaka jylla da kaba ioh iaka takma Rupa haka jingiakob kinglieng Canoe Slalom K1 – 5th Khelo India Youth Games kaba la long ha Madhya Pradesh.
Ia Pynshngaiñ Kurbah la ai jinghikai da u nongking lieng Kayak uba na Australia u Ian Vincent ha kaba ula ai jinghikai haka Wah Umtrew ha Whitewater Village, kaba dei ka jaka kaba ju pynlong iaka Megha Kayak Fest.
U Pynshngain udei uba king ia ki lieng ‘Creek Boat’ hynrei ha ka sien kaba nyngkong ula king iaka lieng ‘Canoe Slalom Kayak ha ka Khelo India.
Watla une u samla ym shim la ioh bha ia ka por ban pyntbit ialade bad kane kala buh ha ka jingeh ia baroh ki nongkieng lieng, kaba la kylla long pat ka jingiohnong ia ki nongking lieng kiba na katei ka jylla.
