Shillong, Lber 15: Ka Meghalaya School of Martial Arts (MSMA) hynne ka sngi kala pynkup burom iaki nongiakhun Jeet Kune Do, kiba la wanrah burom iaka jylla haka 2nd World Jeet Kune Do Championship kaba la long ha Sri Lanka.
Ia kane ka jingpdiang burom la leh ha Lad Umroi Ri-bhoi district hadien ba kine ki nongiakhun Jeet Kune Do kila ïoh ban khur saw tylli ki takma ksiar ha ka lympung 2nd World Jeet Kune Do Championship kaba la long ha Sri Lanka naduh ka 10 tarik haduh ka 12 tarik Lber 2023.
Iaki nongiakhun Jeet Kune Do la pdiang burom da u bah Erik Nongkynrih uba dei u Assistant Secretary Central Body, ka Kong Adorable Dkhar kaba dei ka Secretary Seng kynthei Laitkor Mawrie Lumheh, ha ryngkat ka jingïadon lang ki kmie ki kpa bad ki khynnah ïalehkai jong kane ka shlem ai jinghikai martial arts.
