Shillong, Nohprah 08 : U Myntri Rangbah ka Jylla Conrad K Sangma ha ka sngi Thohdieng, ula ong ba kawei na ki bor ba lam lynti ia u ha ka jingim ka long ban wanrah ia ki jingkylla ba bha ha ka jingim ki briew.
U Conrad ula kren ia kane ha ka jingrakhe ia ka International Human Rights Day 2023 ha State Convention Centre.
Ula ong ba ka hok longbriew manbriew ka dei kawei na ki mat iakren ba kongsan bha namar ka hok longbriew ka dei kaba pynithuh bad iada ia ka burom ka ijot jong ka longbriew.
Haba ban jur ba ka International Human Rights Day ka dei ka sngi ba kongsan ban pyni ia kiei kiei ha ka lynti kaba dei khamtam haba phai sha ki kam jong ka hok longbriew manbriew, ula mynjur ba ka hok longbriew manbriew hi ka dei ka kam kaba iapher ha ka rukom iohi na uwei u briew sha uwei pat ne kawei ka kynhun sha kawei pat.
“Nga sngew kum u riewsain pyrthei, ki Ophisar ne ki dkhot ka Imlang sahlang ki dei ban shim ia ka sienjam ha kaban wanrah ia ki jingkylla kiba bha ha ka jingim ki briew la ka dei da kano kano ka lynti bad nga ngeit ba kane ruh ka dei shibynta jong ka hok longbriew namar baroh ngi dei ki briew” ula ong.
Ula ong ba ka mat pdeng “ka jinglait luid, ka jingialong ryngkat lang bad ka hok ia baroh” ka dei ka mat kaba khring bha.
Kiba la iadonlang ha kane ka sngi ki kynthup ia ka Myntri ka Tnad Ain kong Ampareen Lyngdoh kaba wan kum ka symbud kongsan, u Chairman ka Meghalaya Human Rights Commission Justice T Vaiphei bad u Dkhot ka Commission Bah JP Hanaman bad kiwei kiwei.
Urge the gathering of law makers and protectors of law and justice to work with a sense of duty, passion and compassion and work towards ensuring every human being is able to live their lives with dignity and respect. pic.twitter.com/Fq8fTPvxZu
— Conrad K Sangma (@SangmaConrad) December 8, 2023
