Shillong, Naiwieng 11 : Ka Tnad Social Welfare kala aiti ia ka jingtyrwa ba iadei bad ka Standard Operating Procedure (SOP) ba tehlakam ia ka kam iashongkha khynnah bad ka jingthombor ia ki Kynthei bad ki Khynnah ha ka Jylla.
Haba pyntip ia kane hadien ba pyniaid ia ka jingialang syllok bad ki kynhun bapher bapher ha ka sngi Ba-ar, u Nongaikbuit ka Tnad Social Welfare Bah Paul Lyngdoh ula ong “Haba phai sha ki kam ba thmu ba leh da ka Sorkar, ngi lah dep aiti ia ka jingtyrwa jong ngi ba iadei bad ka SOP na ki jingshem halor ka POCSO bad ka jingjur ka jongiashong kha khynnah, kumno ngin wanrah ia ka jingpynbiang tarajur hapdeng kaei kaba ju leh bad kaei kaba ka ain jongka ri ka ong, kumno ba ngin wanrah ia ka jingiapynbiang lang hapdeng kine artylli”.
“Ngi la aiti ia ka SOP jong ngi bad mynta kala don bad u Advocate General ka Jylla ba un ai jingmut ba khatduh bad hadien ba dep kane, ngin sa pynmih paidbah bad ngin sa aiti sha ki Iingkashari khamtam ka Iingkashari Meghalaya High Court namar ki don shibun ki mukotduma ba dang sahteng ha ki haba ngi phai sha ka kam iashongkha khynnah” ula bynrap.
U Bah Paul ula pynpaw ia ki jingeh kiba iakynduh ha ka jingpyntreikam ia ki ain kum ka Protection of Children from Sexual Offences (POCSO) Act haki jaka nongkyndong, namar ka jingduna ka jingpynsngewthuh ia ki paidbah ia kum kine ki ain.
“Ki ain kum ka POCSO kum ka nuksa ka dei kaei kaei kaba bun ki shnong kim tip satia bad namar ba ngim pat ithuh da ka ain ia ka jingpynia shongkha khynnah ha Meghalaya, kumta, kala long kawei pat ka jingtynjuh. Namar ba ngim pat ju don ka jingpyniashongkha khynnah hynrei ngi don ka jingiashongkha khynnah ba ju leh hi ha kylleng ka Jylla, ngi don bun ki khynnah kynthei kiba punkhun ha ka rta ba 13-14 snem bad haba ka ain ka treikam bad phi hap ban kem ia ki nongleh, ki shnong ki ju kyrpad ba kim don jingtip bad ong ba kane ka dei ka kam kaba ju leh pateng la pateng-kine ki dei ki jingeh..ta ka daw ngi donkam ban pynsngewthuh ha katei ka kyrdan” ula ong haba bynrap “Ngin don ki nongiasyllok, ki riew shemphang bad CDPO ki ban leit sha ki shnong ba kyndong eh ban pynsngewthuh shaphang kine ki ain”.
Une u Myntri barim ula ban jur ia ka jingkongsan ki jingkitkhia lang ki shnong ki thaw bad ban pynkhlain ia ki Village Defence Party (VDP) ban kyrshan ia ki bor ba pyntreikam ia ka Ain.
 ba tehlakam ia ka kam iashongkha khynnah bad ka jingthombor ia ki Kynthei bad ki Khynnah ha ka Jylla.){kind=link}