Shillong, Rymphang 18 : U Executive Member ka KHADC Bah Seiborlang Warbah ula wanrah ia ka Khasi Hills Autonomous District Council Members Pension Repealing Bill, 2026, ha ka Dorbar Mang tyngka ka Council, kaba thmu ban pynduh noh ia ka Khasi Hills Autonomous District Council (Member’s Pension) Act, 2002.
Haba wanrah ia ka jingthoh ba pyrshah bad ki daw, u Bah Warbah ula ong “Ka Khasi Hills Autonomous District Council (Member’s Pension) Act, 2002 ka dei kaba la pynlong ain ban siew bai bam tynmen (pension) ia ki MDC barim”.
Ula ong, haba pynsjong nongrim ia ki jingbatai bad ki hukum ka Iingkashari ha Meghalaya, ka kam MDC kam dei satia kaba niew kum ka ‘Office of Profit” hapoh ka Article 191 (1)(a) jong ka Riti Synshar ka Ri namar ki dei kiba la jied sha ka Autonomous Body kaba la pynkha hapoh ka Sixth Schedule bad kim dei kiba la thung da ka Sorkar bad kumta kim don hok ban ioh ia ka bai bam tynmen. Namar kata la wanrah ia kane ka Bill”.
 Act, 2002.){kind=link}