Shillong, Iaiong 08 : Ka Election Commission ka Ri India (ECI) kala wanrah ia ka mobile application bala tip kum ka ‘Know Your Candidate’ (KYC), ka ban iarap ia ki nongshongshnong ba kin tip shaphang ki kyrtong.
Kane ka application kan iarap ban pyntip sha ki nongthep vote ia ka jingdonkti ha ki kam bymman jong ki kyrtong kiba iakhun ia ki elekshon.
Kane ka application ka long kum ka lynti ban ioh jingtip ia kino kino ki jingtip shaphang ki kyrtong ba iakhun ia ka elekshon Lok Sabha. Ia kane ka application lah ban ioh ha baroh ki phone Androis bad ki iOS platform.
Ban pyndonkam ia kane ka KYC app, ki nongthep vote ki donkam ban jied ia ka jait eleskhon, kyrteng jong ki Assembly constituency bad parliamentary constituency ban iohi ia ka thup ki nongthep kyrteng lane ki lah ban wad beit beit da ka kyrteng ki kyrtong.
Ban download ia ka KYC app, ki nongthep vote ki lah ban leit sha ka website jong ka ECI lane lyngba ka Google Play Store lane ha Apple App Store.
