SHILLONG, Kyllalyngkot 13: Kum ka jingbteng ban pynkhreh iaka jingpynlong iaka MLA 2023 sha ka iingdorbar thawaiñ ka jylla, la pyntip ba 7 kompani ki CAPF bad 2 Platoon ki SAPF la dep ban wanpoi ha ka West Garo Hills District na ka bynta ban pynkhreh iaka elekshon, ban shim ia ki lad ki lynti, ban khmih bniah iaka thaiñ bad ban pynlong iaka jingtalasi bad kiwei kiwei.
La pylong iaka jingtalasi ha kylleng ki bynta jong ka District ha kaba la buh ia ki kynhun ban khynra ha ki 20 tylli ki jaka.
Kum ka lad jingiada, kumba 300 ngut ki briew, ki nongpynklumar, kiba don iaka rekod sniew bad kiba don iaka dak sniew bad kiwei kiwei la dep ban ithuh bad la aiti ha ki bor pulit ban shimkhia lyngba ka Section 107 Crpc.
Ha ka 11.12.2023, ki pulit jongka Tura PS, Chandmari BH bad Rongram OP katba ki dang ki dang pynlong ia ka jingtalasi ha Chasingre kila ioh bat ia kawei ka trok kaba don ia u number HR-55-AD-5381 bad la ioh kurup 10140 Litar IMFL ka kyiad kaba shongdor palat T. 15 Lak bad la kem ruh ia uwei u briew.
Haka jingtalasi la ioh kurup 1067 litar ka kyiad shongdor palat T.2 Lak da ki pulit ka Rongram PS bad 47 Litar ka kyiad kaba shongdor kumba T.20000 la ioh kurup da ki pulit ka Jengjal PS hynne ka sngi bad la kem ia uwei u briew bad la shim bad iaid katkum ki kyndon aiñ,
La pynjur bha ia ka jingpyrkhing ha ki thaiñ Khappud bad ka ri Bangladesh bad kumjuh ha ki thaiñ khapud bad ka jylla Assam.
