Shillong Naitung 11: U Jyotiraditya M Scindia, Myntri ka Sorkar Pdeng ba khmih ia ka Development of North Eastern Region (DoNER) bad Communication, yn wan ban jurip ia ka nongbah Shillong (Meghalaya) bad Guwahati (Assam) ha ka 12 bad 13 tarik u Naitung 2024.
Ha ka 12 tarik u Naitung, u Scindia yn lum ia ka jingialang ha ka NEC Secretariat, Nongrim Hills, Shillong, ha kaba kin donlang ki heh ophisar jongka DoNER, NEC, bad na ka sorkar jylla ban iakren halor ka jingiaid ki kam ki jam jong ki projek ki bapher ha ka thaiñ. Ka jingthmu kaba kongsan jong kane ka jingwan jurip ka long ban peitbniah halor ka NEC Vision 2047 bad ka jingpyllait paidbah ia ka NERACE App.
Ka NERACE kadei ka rynsan kaban pyniasoh ia ki nongrep bad ki iew ha kylleng ki ri, ban plie lad ba kin iadei iathied bad ban ia buh dor hi. Kane ka App kan don ruh ia ki Helpline ha ka ktien English, Hindi, Assamese, Bengali, Nepali, Khasi, Mizo bad Manipuri bad kan kyntiew ruh ia ka ioh ka kot ha ka liang ka rep ka riang bad ka jingpyniasoh ha ka thaiñ shatei lam mihngi jong ka ri India.
Ha ka 13 tarik u Naitung, u Scindia yn leit jurip ia ka NEDFi House ha Guwahati, Assam, ban iakynduh bad ki heh ophisar bad ban iakren na ka bynta ban kyntiew ia ka jingsengkam lajong bad ia ki karkhana ha ka thaiñ.
Ka jingwan jurip jong u Jyotiraditya Scindia ia ka Meghalaya bad Assam ka pyni ruh iaka jingangnud jong u Myntri Rangbahduh ka ri u Narendra Modi na ka bynta ban kyntiew iaka thaiñ shatei lammihngi jong ka ri. Ka jingpynleit jingmut kan long halor ki jingtei, ka jingpyniasoh, ka koit ka khiah, ka pule puthi, ban seng ia ki kam lajong bad ki karkhana bad ban kyntiew ia ki kam jngohkai kiban iaid ryngkat bad ka thong jongka ‘Viksit Bharat’ and ‘Viksit Purvottar’.
Hashwa jong katei ka jingjurip, u Scindia ula pynpaw iaka jingsngewkmen ban iadonlang bad ki paidbah jong ka Meghalaya bad Assam:
“Nga dap da ka jingsngewkmen ban leit jngoh ia ki jylla kiba itynnad ka Meghalaya & Assam bad ban peit ia ka jingiaid shakhmat jong ki projek kam pynroi. Ka jingangnud ka jong ngi ka long ban thaw bad ban pynlong ia ka thaiñ shatei lam mihngi kaba kiew irat bad ba kan noh synniang sha ka ri bad ban tei iaka ri kum ka Viksit Bharat” la pynpaw u Scindia.
 bad Communication, yn wan ban jurip ia ka nongbah Shillong (Meghalaya) bad Guwahati (Assam) ha ka 12 bad 13 tarik u Naitung 2024.){kind=link}