Shillong, Jymmang 10 : Haduh 70 ngut ki samla pule ka Jylla Meghalaya, kiba pule ha Punjab bad Haryana, kila wan poi sha Delhi namar ka jingiather namding bad jingkyan ka thma hapdeng ka India bad Pakistan.
Ka Sorkar Jylla kala lum lang ia kine ki samla pule ha Delhi bad kala ai jaka sah ia ki ha Meghalaya House, Delhi.
Ka Sorkar kala khmih lynti ruh ba dang don bun ki samla kiba la don ha lynti ban wan sha Delhi.
Ia kane la pyntip da u Myntri Rangbah ka Jylla Conrad K Sangma lyngba ka jingthoh ha ka Facebook hynne ka sngi Saitjain.
“Namar ka jinglong jingman ba dang iaid mynta hapdeng ka India bad Pakistan, tad haduh hynne ka step, kumba 70 ngut ki samla pule na Meghalaya, kiba leit pule ha Punjab bad Haryana,la ai jaka sah ha Meghalaya House Delhi. Ni khmih lynti ban wan poi sa katto katne ngut ki samla pule kiba la don ha lynti” ula ong ha FB.
