Shillong, Oct 18: Ka phlim Rapture kaba la ioh ia ka jingiaroh bha, kaba la pynmih da u director Dominic Megam Sangma uba la ioh khusnam, yn sa pyni ha ka sien ba nyngkong eh Shillong naduh ka 7 haduh ka 11 tarik Naiwieng, 2024.
Ia kane ka jjingpyni phlim la pynlong da ka tnad Art and Culture ka sorkar Meghalaya ha ka jingiatreilang bad ka Fraternity Art Cine Entertainment Shillong (FACES).
Ka Rapture kaba la khring bha ia ki riew ieid phlim ha kylleng ka pyrthei, dang shen la pyni ïa ka ha ki 150 tylli ki jaka peit phlim ha kylleng ka ri France, ha kaba ka la ïoh ïa ka jingïaroh kaba khraw namar ka jingïathuh ia ka khana kaba shongsbai bad ka jingringdur kiba iapbiej.
Ka phlim, kaba la pynwandur ha ki phang jong ka jinglong tynrai bad ka jingsngew jong u briew, ka shim shibun na ki jaka ba itynnad bad ki riti dustur jong ka Meghalaya, kaba pynlong ïa ka jingpyni ia kane ka phlim ha Shillong kaba kongsan bha.
Ki jingpyni ia kane ka phlim kan long ha U Soso Tham Auditorium bad un pyni ia ka haduh laisien ha ka shisngi kata ha ka por 12:15 baje janmiet, 2:40 baje janmiet, bad 5:15 baje janmiet. Ki tiket kin sa die shen, kaban ailad ban ioh jaka kloi sha katei ka jaka peit phlim.
.){kind=link}