Shillong, K’lyngkot 15 : Ka Chairperson ka All India Trinamool Congress (AITC) Mamata Banerjee kan sa wan iuhkjat sa ha North Garo Hills ban ialap paidbah halor ka elekshon MLA-2023.
Kane ka khliehduh jong ka AITC kan wan ha ka 18 tarik u Kyllalyngkot bad kan dei ka sien kaba ar ba kan wan iuhkjat ha Jylla Meghalaya.
Ia ka Mamata yn synran da u National General Secretary Abhishek Banerjee, ong ka kyrwoh na ka AITC.
Ki ban iadonlang ha kane ka jingialang paidbah kin kynthup ia u MLA ka Rajya SDabha Derek O’Brien, u Manas R Bhunia uba khmih ia ka Meghalaya, u President ka Meghalaya Bah Charles Pyngrope, u Nongialam ka Liang Pyrshah Dr Mukul Sangma bad kiwei kiwei.
Ha u bnai Nohprah, ka Mamata kala wan iuhkjat ha Shillong bad pyllait ia ka skhim song pisa jong ka AITC bala tip kum ka WE Card, kaba la mang ban iarap pisa ia ki Kynthei.
