Shillong, Nailar 27: The North East Football Development Council (NEFDC) ka dang pyrshang ban wad ia ki lad ki lynti ban pynroi bad pynkhlain iaka jingialehkai Football ha ka thaiñ Shatei Lam Mihngi ka Ri kaba kynthup ia ka jingthmu ban pynlong ia ka Inter-Club League bad ban pynthymmai ia ka Dr T.Ao Football Tournament ha ka state level.
Ka jingialang jong ka NEFDC kaba la long hynin ka janmiet sngi Nyngkong, kaba la lamkhmat da ka Meghalaya Football Association (MFA), kala iakren sani halor kane ka mat bad kiwei kiwei.
U Lalnghinglova Hmar, President jongka NEFDC bad u Myntri ka tnad Sports and Youth Services ka Mizoram, ula pyniaid ia ka jingialang kaba la wan ban iashimbynta da u General Secretary ka NEFDC Kipa Ajay, u Senior Vice-President Menla Ethenpa, u Vice-President Bah Hamletson Dohling (uba long ruh u President ka MFA), u Treasurer u Neibou Sekhose bad kiwei kiwei ki Executive Member.
Haba iakren bad ki nongthoh khubor hadien ba la wai ka jingialang, u Hmar ula ong, ba ka NEFDC kala wanrah lang ia baroh ki jylla ka thaiñ Shatei Lam Mihngi ym ban iakhun para ma ki hynrei ban iarap mar kylliang lyngba ka jingiatreilang, ka jingiakren bad ban sam lang ia ki jinghikai kiba paka, namar kidon ha ki kyrdan ki bapher bapher ha kaba iadei bad ka jingkyntiew ia ka Football.
“Ka don ka jingialong shipara kaba wanrah lang ia ngi ban kyntiew ia kane ka jingialehi kaba itynnad ha ka thaiñ” ula ong.
Ka jingthmu ban pynlong ia ka jingiakob ialehkai ki Club kadei kaba ki dang iaid shakhmat ban iakren, ia kaba kan don ruh ka bynta kaba iadei bad ki khynnah, ka dang dei tang ha ka jingiakren ia mynta bad ka dang iaid shakhmat na ka bynta ban thaw ia ka League kaban long thik na ka bynta ki riewieid football jong ka thain shatei lammihngi baroh kawei, ka thain kaba la iaid shaphrang ha ka jingroi bad jingkiew ka jingialehaki Football hapoh ka ri India, ha ki Club bad kumjuh ruh ha ka kynhun ialehkai kaba mihkhmat ia ka ri.
Ha kaba iadei bad ka Dr T Ao Football Tournament na ka bynta ki kynhun jong ki jylla, u Hmar ula ong, ba ia katei ka lympung iakob ialehkai la sdang da ka North Eastern Council (NEC) ha u snem 2009 hynrei kala sahteng noh naduh ba la wan ka khlam COVID-19. Ka NEFDC ka don jingthmu ban iakren bad ka NEC bad ka Ministry of Development of North Eastern Region (DoNER) jong ka sorkar pdeng ban sdang biang ia kane ka lympung ialehkai Football.
 ka dang pyrshang ban wad ia ki lad ki lynti ban pynroi bad pynkhlain iaka jingialehkai Football ha ka thaiñ Shatei Lam Mihngi ka Ri kaba kynthup ia ka jingthmu ban pynlong ia ka Inter-Club League bad ban pynthymmai ia ka Dr T.Ao Football Tournament ha ka state level.){kind=link}