Shillong, Risaw 02: Ka Meghalaya Cricket Association, hynne ka sngi Nyngkong, kala pynbna ia ka kyrteng jong ka kynhun kiban iashimbynta ha ka Vinoo Mankad Trophy jongka BCCI, kaba dei ka One Day Tournament na ka bynta ki U-19 boys, kaban sdang mynta u bnai.
Ki nongialehkai kiba la shah jied kidei kiba la ialehkai bha ha ka U-19 Boys’ Inter District Tournament kaba la pynlong da ka MCA ha kaba kila lah ban pyni ia ka sap ka phong ialehkai ka jongki hakhmat jong ki nongjied.
Ka Meghalaya kan iakhun 5 sien ia baroh ki jingiakhun ha Vijayawada, Andhra Pradesh, ha kaba kin iakhun pyrshah ia ki kynhun ialehkai cricket kiba paw kum ka Bengal, Uttarakhand, Hyderabad, Delhi bad Maharashtra.
Kum shi bynta jong ka jingpynkhreh ban leit iakhun ia katei ka lympung iakob, lashai ka sngi kan sdang ka Preparatory Camp ha Jagiroad, Assam bad kane kan kut haka 8 tarik u Risaw bad kane ka kynhun kan sa mih na kane ka jaka ha ka sngi kaba bud ban leit sha Andhra Pradesh.
Ka kynhun jong ka Meghalaya ka kynthup ia u Shubham Rasaily, Kshitij Singhania, Avinash Rai, Lensbirth N Marak, Rituraj Rabha, Angkit Tamang, Shahin Alome, Shavian Blah, Banialam J Mylliemngap, Josiah D Wanniang, Denikcheng Marak, Dingriko Marak, Bilgrak G Sangma, Charm Marbaniang, Da-u-la-biang Shangpliang
Ki Standby ki kynthup ia u Thunun R Marak, Justin Fancon, Ferando BM Sangma bad u Dipankar Barua, katba ki Support Staff ki kynthup ia u Sandipan Deb Nath (head coach), Mark A Laloo (assistant coach), Gregory G Syiemlieh (trainer), Hamboy Langbang (physio), Prewindsong Sangma (manager).
Ka Meghalaya kan iakhun pyrshah iaka Bengal ha ka 12 tarik u Risaw
Meghalaya vs Uttarakhand, 14 tarik u Risaw
Meghalaya vs Hyderabad, 16 tarik u Risaw
Meghalaya vs Delhi, 18 tarik u Risaw
Meghalaya vs Maharashtra, 20 tarik u Risaw
