Shillong, Nohprah 13: Ka Meghalaya kala pynrem iaka Arunachal Pradesh da 78 run bad khlem donkam ban tied ha kawat ka baar, ha ka sngi balai jong ka jingiakhun iaka U-16 Boys’ Vijay Merchant Trophy kaba la long ha Cuttack ha ka sngi Balang.
Kane kadei ka sien kaba nyngkong ia ka Meghalaya ban ioh iaka jingjop ha katei ka lympung ialehkai ba ha ki ar tylli ki jingiakhun kiba la dep ka Meghalaya kala iakhaid bad ka Nagaland bad kala shah pynrem pat ha ka Sikkim.
Ka Arunachala kaba la leit ban bteng biang ban tied 31/5, ka Arunachal kala shah pynhap lut ki wiket bad kamai tang 110 run hynne ka sngi bad ha ka jingleit tied ha ka wat kaba nyngkong ka Arunachal kala kamai tang 116 run bad kam shym la lah ban beh ia ka jingkamai run ka Meghalaya kaba la tied tang shisien bad kamai 304 run.
Na kitei ki 5 wiket kiba sah hynne ka sngi, u Paisal Ali ula shim 3 wiket bad 2 wiket da u Gaurav Jyoti Thakuria.
U Ali ula shim 4 wiket baroh, katba u Thakuria ula ioh shim linter 2 wiket bad mynta u dang ap ban ioh ia ka Hat Trick bad kane kan shong ha ka jingiakhun kaban wan, la u Thakuria yn lah ban shim ia ka wiket haka jingkawang ia ka bol kaba nyngkong duh.
U Apandanka Marak, hynin ka sngi ula ioh khur iaka hat-trick hynrei hynne ka nsgi pat ym shim la ioh ban shim wiket eiei.
Ka kynhun ialehkai ka Meghalaya kan iakhun pyrshah iaka jylla Mizoram kaban sdang naduh ka 16 tarik u Nohprah.
